АЯНГА ШИДЭГЧ ОХИН ОНЦГОЙ ЧАДВАРАА АЛДАХАД БОСОГЧДЫН ЗАМЫГ ХЭН ГЭРЭЛТҮҮЛЭХ БОЛ?
Тал бүрд бослого үймээн дэгдэж, холбоотнууд эрх ямба, зэрэг дэвийн төлөө биесээсээ урван тэрсэлж, үнэнч сэтгэл нүдний гэм болно. Мэйр Бэрроу болчимгүй алдааныхаа балгаар дайсны гарт орж, аянга эрхшээх хүчээ алдан, худал хуурмаг, урван тэрслэлтээр эрх мэдэлд хүрсэн хөвгүүн хааны аяыг дагаж амьдрах болов. Хөвгүүн хаан Мавен Калор эх орон хийгээд үнэ цэнтэй хоригдлоо хяналтаасаа алдахгүйн тулд талийгч ээжийнхээ эхлүүлсэн <<Тор>>-ыг үргэлжлүүлэн нэхсээр. Мэйр хааны ордонд, Чимээгүй чулуудын дарамтыг тэсэж ядан тарчилж суухад түүний цуглуулсан шинэ цустнууд, Скарлеттын цэрэгтэй нэгдэн, зохион байгуулалтад орж, цар хүрээгээ тэлэн, бэлтгэл сургуулилалт хийсээр. Боолчлол дарангуйллыг тэвчихээ больж, дайнд бэлтгэн буй нь тэр. Мэйрийн сэтгэл зүрхэнд эзлэх орон зайтай ч эх орондоо гишгэх газаргүй болж, цөлөгдсөн ханхүү Кал сэтгэлт бүсгүйгээ буцаан авчрахын тулд юу хийх бол? Мөн мөнгөнүүдийн эсрэг тэмцэх улаан болон шинэ цустнуудын тулаан хэний ялалтаар өндөрлөх бол?