Энэхүү роман нь анх 1932 онд хэвлэгдэхэд технологийн дарангуйллын тухай сэдэв нь алс ирээдүйн зөгнөл мэт санагдаж байлаа. Зохиолч Олдос Хаксли өнөөгийн ертөнцийн төрх байдлыг зөнч төсөөллөөрөө харж, хүн хоорондын харилцааны тухай нөр их мэдлэгтэйгээ сүлэлдүүлэн, эл романаа бичсэн нь түүний уран бүтээлч замналын хамгийн чухал агаад сонирхол татам бүтээл болсон билээ. Тэрээр хүн амын хэт өсөлт, суртал ухуулга, ятгалгын технологи зэргийн аюул заналыг гүн судалж, эдгээрийн нөлөөнөөс зайлах зам бидэнд бараг үлдээгүйг тайлбарласан юм.