Ойролцоогоор 500 жилийн тэртээ тив хоорондын улс төрийн харилцаа үүссэн үеэс Еврази нь дэлхийн хүч чадлын төв болжээ. Евразид нутаглаж байсан улс үндэстнүүд, ялангуяа баруун европчууд түүхийн янз бүрийн үе шатанд, элдэв янзын аргаар дэлхийн бусад бүс нутагт нэвтрэн орж ноёрхлоо тогтоож байсны дотор зарим улс нь онцгой эрх зүйн байдалтай болж, дэлхийн тэргүүлэх гүрний эрх дархыг эдэлж байлаа.
ХХ зууны сүүлийн арван жилд дэлхийн хэрэг явдалд хөрсний гулсалт гэмээр нүүдэл гарсан билээ. Түүхэнд анх удаа евразийн бус гүрэн евразийн улсуудын харилцааны ерөнхий шүүгч болсон төдийгүй дэлхийн хамгийн хүчирхэг гүрэн болон хувирлаа. ЗХУ бутран мөхсөн нь дэлхийн бөмбөрцгийн баруун хэсгийн улс АНУ-ыг анхны цорын ганц жинхэнэ дэлхийн зиндааны гүрний сэнтийд залрах шуурхай үсрэлтийг түргэвчилсэн эцсийн түрлэг болсон юм.
Гэхдээ Еврази нь геополитикийнхоо ач холбогдлыг хадгалсаар байна.