Буддын гүн ухаантнууд Хүн өөрийн сэтгэлийн урсгалыг хэдий чинээ зөв залж чадна төдий хэрээр аз жаргалаа олж болно гэж сургасан байдаг. Тэгвэл сэтгэлийн урсгалаа зөв жолоодохын тулд хүн эхлээд өөрийн бодол санааг хөндлөнгөөс ажиж, таньж сурах хэрэгтэй гэж заажээ.
Бодол санаа, хүсэл мөрөөдөл нь хий, хоосон зүйлс биш бөгөөд харин ч хүний сэтгэлийн унаа хөлөг болдог нь гайхамшиг юм. Гэхдээ тэрхүү унааныхаа хүссэн газар бүр эзэн нь очих бус, эзнийхээ хүссэн газарт унаа нь хүргэж өгдөг байх ёстой аж.
ХХ зууны эхнээс Өрнөдийн жишгээр боловсрон хөгжиж эхэлсэн Монголчууд барууны судалгаа, утга зохиол, таниулан гэгээрүүлэх арга зүйд сайн суралцсан юм. Бодол сэтгэлийн тасралтгүй урсгал дундаас хэрхэн зөвийг сонгон ээнэгшүүлэх, улмаар бие бялдар оюуныхаа зохистой хөгжлийн замнал болгох аргыг сонирхолтой судалгаан дээр тулгуурлан бичсэн Оюуны шилжилт ном уншигч танд таалагдах нь дамжиггүй. Таалагдаад зогсохгүй хувь хүний хөгжлийнх нь гарын авлага, зөв амьдралын хөтөч болно гэж найдаж байна.
Чухамдаа жинхэнэ аз жаргалаа олохын тулд бид оюун ухааны шилжилт гэгчийг заавал хийх ёстой юм бол та бид бодол сэтгэлээ хэрхэн зөв залж, жолоодож бий болгодог тухай өрнийн олон судлаач, зохиолчдын орчин үеийн төлөөлөл ах дүү Дэн болон Чип Хит нар өөрийн өнцгөөс маш сонирхолтойгоор судлан бичиж туурвисныг аз жаргалын эрэлд мордогч эрхэм хүмүүн танд толилуулж байна.