Михаил Горбачев эхнэр Раисатайгаа бараг тавин жил хамт амьдарчээ. Горбачевыг Москвад сурч байхад танилцан улмаар ханилсан тэд үзэл бодлоо чөлөөтэй илэрхийлж, ний нуугүй хуваалцдаг байв. Харамсалтай нь Раиса 1999 онд хорт хавдрын улмаас Германд нас эцэслэсэн нь хүчирхэг Михаилд хүнд цохилт болжээ. Тэрээр энэ номыг эхнэрийнхээ дурсгалд зориулан бичихдээ амьдралынхаа чухал үеүдийг өнөөгийн өнцгөөс харж, улс төрд хэрхэн гарч ирсэн, ил тод байдал буюу Гласность, өөрчлөн байгуулалт буюу Перестройкагийн талаар өгүүлсэн юм. Энэ дурсамжийг эхнэрээ нас барсны дараа бичсэн өдрийн тэмдэглэлээсээ нэгтгэжээ. Энэ бол нам төрийн зүтгэлтний идэр залуу нас болон сэтгэл хөдлөм хайрын түүх бөгөөд агуу гүрнийг удирдах албан тушаалын өндөрлөгт хэрхэн хүрсэн, өөрчлөн байгуулалтыг яаж эхлүүлсэн тухай гайхалтай намтар юм. Хүйтэн дайныг төгсгөх үндсийг тавьсан, Нобелийн Энх тайвны шагналт тэрбээр өнгөрүүлсэн амьдралаа эргэн нэг харжээ. Үүндээ улс төрийн амьдралын чухал үеүдээ, өөрт тохиолдсон хамгийн онцлог үйл явдлуудыг дурссан нь XX зууны хамгийн хүчирхэг нэгэн хүнийг бүрэн дүүрэн илэрхийлнэ.