'Гэнжийн туульс' бол хүн төрөлхтний утга зохиолын түүхэн дэх анхны роман юм. X зуунд японы сурвалжит хатагтай, яруу найрагч Мүрасаки Шикибү энэ гайхамшигтай бөгөөд нүсэр том бүтээлийг туурвиж, Гэнжи хэмээх нэгэн хунтайжийн амьдралаар дамжуулан хайр дурлал, хүн ёсны утга учрын тухай өргөн дэлгэр өгүүлжээ. Одоогоос мянган жилийн тэртээ бичигдсэн энэ зохиолын үнэ цэнэ огтхон ч буураагүйгээр үл барам унших тусам гайхал бахдалыг төрүүлсээр байдаг. Энэ удаа тус бүтээлийн дэд дэвтрийг орчуулан уншигч олондоо хүргэж байна.