Шинээр байгуулагдаж байгаа жижиг пүүс болох СтарпАпуудад тулгардаг хамгийн чухал асуудал нь хувь хуваалт байдаг. Хүн бүр адилхан зориулалт, адилхан цаг зарцуулж чадахгүй ч гэсэн олон хүний оролцоо байж гэмээнэ СтартАп амжилтад хүрэх боломжоо өсгөнө. Үндсэн асуудлын шийдэл, ажил дээрээ анхаарал хандуулах ёстой байтал санхүүжилт, хэн хэдэн хувь эзэмших гэгчлэн тулга тойрсон хэрүүлээс болж нурж унасан нялх СтартАпууд олон. Монгол залуучууд маань хүссэн хүнтэйгээ, хүссэн салбартаа хувь хуваалт дээр маргаан үүсгэлгүй ажиллах боломжийг олгох хүсэл өвөртлөн энэхүү номыг орчуулан КриптоПуужин багаас хүргэж байна.