Монгол

НТӨ III зууны эхэн үеэс эхтэй стоицизм нь алив юмс бус, тэдгээрийг харах бидний өнцөг л бэрхшээл үүсгэдэг төдийгүй бид өөрсдийнхөө “эргэцүүлсэн сонголт”-оос бусдаар юуг ч хянаж чадахгүй хэмээн сургадаг. Өөрөөр хэлбэл, өөрөөс хамаарах зүйлсээ л сайн хийж өөрөөс үл хамаарах зүйлсэд санаа зовохгүй байж сурсан хүмүүсийг стоик гэдэг. Хэнд, юу тохиолдож, юу туулах нь хамаагүй, стоикуудын мэргэн ухаанаас тус болох зүйл олон бий. Аз жаргалтай амьдрахын тулд хэрхэх вэ? Хэцүү үе тулгарахад яах ёстой вэ? Амар амгаланг олоход бидэнд юу тусалж чадах вэ? Энд дурдсан шиг асуудлуудыг стоикууд бидний орчин үед тааруулсан юм шиг авч үзсэн нь нэн гайхалтай. Энэхүү номд багтсан эшлэл бүрийг зүгээр нэг танилцуулах бус, түүхийг нь хүүрнэж, асуулт тавьж, дасгалын санааг оруулж, стоикуудын үзэл баримтлалыг тайлбарлахыг хичээсэн нь хэн бүхэн өөрийн хайж буй асуултдаа гүн гүнзгий хариулт олоход тус нэмэр болох зорилготой.