"Хүүхэд тань энэ дасгалын номыг уншсанаар НОМД дурлах болно. Дэлхийн олон оронд орчуулагдан гарсан, БНСУ-ын YeaRimDang Publishing Co., Ltd. Хэвлэлийн газрын алдарт ""WHY?"" хүүхдийн танин мэдэхүйн цуврал комикс номыг албан ёсны эрхтэйгээр Монгол уншигчдадаа хүргэж байна. Энэхүү цувралд дэлхий ертөнц, байгаль, амьтан ургамал, эрүүл мэнд, аюулгүй байдал, хүний бие, өсөлт хөгжил, ирээдүйн шинжлэх ухаан зэрэг бүхий л төрлийн танин мэдэхүйн хэрэгцээт мэдээллийг хүүхдийн хүсэл сонирхол, насны онцлогт тохируулан хөгжилтэй, зугаатай, хайр татам үйл явдлаар илэрхийлэн харуулсан бүтээл юм. Мөн цувралд бүрд Омжи, Комжи гэгч хоёр найзын сонирхолтой адал явдал гарах бөгөөд, тэд өнөө цагт хүүхэд бүрийн мэдэх шаардлагатай мэдлэгийг олж авна. ""ЭХ ДЭЛХИЙ"" цувралд Омжи, Комжи хэмээх манай хоёр найз 180,000 жилийн настай, адтай сэргэлэн Тун Бан Саг гэгч эртэй дэлхий ертөнцийг үүсэл эхлэлээс нь эхлээд, өнөө цагийн өнгө төрхөө олсон ДЭЛХИЙ болох хүртэлх түүхийг судлах болно. Байгаль, эх дэлхийн минь гайхамшигт зүй тогтол, амьд организмууд, уул нурууд, далай тэнгисийн хүчийг ойлгож мэдсэнээр энэ сайхан гаригтаа бид улам ч хайртай болно.