Энэхүү номоо бид Монгол улсын ардын уран зохиолч, академич Цэндийн Дамдинсүрэнгийн 1960-аад оноос эхэлж нас нөгчих хүртэл тогтмол хөтөлж байсан өдрийн тэмдэглэлийн эхний хэсгийг эрхэм уншигч нартаа толилуулж байна. Үүнд Монгол улсын хөгжил, ялангуяа нийгмийн шинжлэх ухаан, хүмүүнлэгийн салбарын үйл явцын нэг чухал үе шат тусгалаа олсон билээ.
Тэрбээр өдрийн тэмдэглэлээ бичихдээ ямар нэгэн юмыг ɵɵртɵɵ сануулах, чухал ажил хэргийг мартахгүй байхыг гол зорилгоо болгож байсан учраас эдгээр дэвтэрт хийсэн болон хийх шаардлагатай ажил үйлс, бичсэн болон бичих зохиол, хэлэлцсэн эрдэм шинжилгээний асуудал, хийсэн маргаан, уулзсан хүн, ярьсан зүйл зэргийг чухалчлан бичжээ.