Өмнө нь хэзээ ч бидний ой тойнд орж ирээгүй нэгэн зүйл буюу “Манай ардчилалд аюул нүүрлэв үү?” гэсэн асуултыг Доналд Трамп ерөнхийлөгч засаглаж эхлэхэд бид тавьсан юм. Үнэхээр аюул нүүрлээд байгааг Европ, Латин Америк дахь ардчилал задран бутарч буйг 20 гаруй жил судалсан Харвардын их сургуулийн профессор Стивэн Лэвицкий, Даниэл Зиблат нар баталж байна. Буун дуу цуурайтсан хувьсгалт хөдөлгөөн, цэргийн эргэлтээр ардчилал төгсдөг цаг үе өнгөрчээ. Эдүгээ шүүх, хэвлэл мэдээлэл зэрэг чухал инстүүцүүд аажим аажмаар сулран доройтож, байр суурь нь тогтвортой байсан улс төрийн хэм хэмжээ харсаар байтал ялзарч байгаа нь бувтнаан төдий мэдрэгдэнэ. Дэлхий дахиныг хамарсан түүхэн баримтуудыг 1930-аад оны Европоос эхлүүлэн өнөөгийн Унгар, Турк, Венесүэлийн жишээгээр дэлгэн харуулахын зэрэгцээ АНУ-ын өмнөд мужуудад Жим Кроугийн үед болсон үйл явцыг багтаасан хэдэн арван жилийн судалгаандаа үндэслэн дээрх хоёр судлаач маань ардчилал хэрхэн мөхдөгийг дүрслэн үзүүлснээс гадна ардчиллыг мөн хэрхэн аварч болох талаар зөвлөжээ.