Олон улсын бэстсэллэрийн зохиогч, олон шагналын эзэн, Стэнфордын Их сургуулийн сурган хүмүүжүүлэгч Тина Сийлиг Стэнфордын хамгийн тэргүүний, хамгийн ухаалаг оюутнууд болон дэлхийн өнцөг булангийн бизнесийн лидерүүдэд бүтээлч чадварын хичээл заадаг. Тэрээр Төрмөл гоц ухаан бүтээлдээ хүн бүр өөрийн бүтээлч гоц чадварыг хөгжөөж чадах арга хандлагыг нээж харуулснаараа бүтээлч чадварын учрыг дэлгэн нээжээ.
Шинэлэг санаа бодож олох гэж оролдох, эсвэл нүдэнд харагдах шийдэлгүй асуудлын учрыг олох гэж хичээх үед тус болохуйц цоо шинэ загвар болж өгөх Инновацын хөдөлгүүрийг Сийлиг бидэнд санал болгож байна. Бүтээлч чадварыг дотроосоо хэрхэн бий болгож, гадна ертөнц үүнд хэрхэн нөлөөлөхийг Инновацын хөдөлгүүр тайлбарлах болно. Сийлиг энэ номдоо хоорондоо сүлэлдэн ажиллаж бидний бүтээлч чадварыг хурдасгагч, эсвэл сааруулагч хувьсагчдыг тодорхойлон дүрсэлжээ. Ингэснээр өөрсдийнхөө болон, хамт ажиллагсдынхаа, байгууллагын, хүй хамтлагийн төрмөл гоц ухааныг эрс өсгөхөд ашиглаж болох цогц арга замыг бидэнд зааж өгч байна.
Бүтээлч чадвар бол хэдийд ч ашиглаж болох эцэс төгсгөлгүй сэргээгдэж байдаг нөөц бололцоо гэдгийг Сийлиг энэхүү гайхалтай бүтээлдээ харуулсан юм. Энэ бол амжилт бүтээлээр дүүрэн, сэтгэл ханамжтай амьдрахад яг л агаар амьсгалахтай адил заяагдмал бөгөөд зайлшгүй хэрэгцээ билээ.