Өнөө үед байгууллага, компанийн үүрэг, функц илүү төрөлжиж, түүн дэх ажилтан болон багийг бүрдүүлэх, бие даалгах, шинэ санал, санаачлага гаргах боломжоор хангах, тэдэнд эрх мэдлийг олгох, удирдах үйл явцад оролцуулах, үр дүнтэй үнэлэлт хийх, сургалт, зөвөлгөөгөөр хангах, оновчтой урамшууллын системийг бий болгох замаар байгууллагад илүү үр дүнтэй менежментийн хэв маягийг бий болгох шаардлагатай болжээ. Иймд энэхүү ном нь өдөр тутам практик дээр хүний нөөцийн менежментийн шалгарсан хэрэгсэлүүдийг үр дүнтэй ашиглаж, зөв дарааллаар хэрэгжүүлж тавьсан зорилго, зорилтууддаа хүрэхэд юу гол шаардлагатай болохыг танд хялбараар ойлгуулж, түүнийг ажил, амьдрал дээрээ хэрэглэж менежментээ илүү үр дүнтэй болгоход туслах болно. Тус ном нь 12 хэсгээс бүрдсэн болно. Цаг, зав багатай танд сэдэв бүрийн гол санааг товч тодорхой, хялбараар ойлгуулах зорилгоор нэг сэдвийг 2-3 нүүрнээс хэтрэхгүйгээр эмхэтгэн гаргав. Мөн зарим нэг чухал сэдэвтэй холбогдуулж дэлхийн шилдэг компани, менежерүүдийн туршлага, жишээгээр баяжуулан хүргэж байна.