Нийгмийн хурдацтай өөрчлөлт, хөгжил, тэр дундаа техник, технологийн хөгжлийн өнөө үед хувь хүн, ажилтан болон менежер, удирдлагуудын хувийн сахилга бат, хувийн менежмент хэрхэн үр дүнтэй байхаас ажил, амьдрал, бизнесийн нэр хүнд, итгэлцэл болон ашиг орлого ихээхэн хамаарч байна.

Жирийн ажилтан, менежер болон байгууллагын аль ч түвшний удирдлагууд хувийн сахилга бат, карьер менежмент, стрессийг зохицуулах чадвар зэрэг хувийн менежментийн талаарх цогц ойлголтгүйгээр өөрийгөө болон байгууллага, компанийг оновчтой удирдаж ажилтан, харилцагч болон хөрөнгө оруулагчдын үр өгөөж, цэнийг нэмэгдүүлэх боломжгүй юм.

Өдөр тутмын амьдрал дээрээ хувийн менежментээ үр дүнтэй, зөв дарааллаар хэрэгжүүлж тавьсан зорилго, зорилтууддаа хүрэхэд юу гол шаардлагатай болохыг танд хялбараар зөвлөж, тэдгээрийг хэрэгжүүлсэнээр хувийн болон ажил, албаны амьдралын тэнцвэрийг хангаж, тэдгээрийг илүү үр дүнтэй удирдахад туслах болно.

Тус ном нь 11 хэсгээс бүрдсэн ном болно. Цаг, зав багатай танд сэдэв бүрийн гол санааг товч тодорхой хүргэж, хялбараар ойлгуулах зорилгоор нэг сэдвийг 2-3 нүүрнээс хэтрэхгүйгээр эмхэтгэн гаргав. Зарим нэг чухал сэдэвтэй холбогдох амжилттай хувь хүмүүсийн туршлага, жишээгээр баяжуулан хүргэж байна.