Уншсаны дараа хүүхэд тань танд талархах болно. Энэ номыг зөвхөн эцэг, эхчүүдэд зориулсан хөтөч хэмээн ойлгох нь учир дутагдалтай. Учир нь энэ бүтээл нялх хүүхдийг хөхнөөс нь хэрхэн гаргах, хэдэн настайд нь хөтөвч хэрэглэж сургах талаар заавар зөвлөгөө өгдөг ном биш юм. Харин хүүхэдтэйгээ дотно, эрүүл харилцааг хэрхэн бий болгож, хадгалж явахад нөлөөлдөг болон тээг болдог зүйлсийг онцлон өгүүлжээ. Зохиолч энэхүү номдоо бидний аав, ээжийн харилцаа хандлага хэрхэн бидний төлөвшилд нөлөөлдөг төдийгүй, бид өөрсдөө эцэг, эх болоод үр хүүхэдтэйгээ харилцах харилцаанд ямар нэгэн байдлаар дамжин үргэлжилдэг тухай, үүнээс үүдэлтэй алдаа эндэгдлийг хэрхэн ойлгож, засаж залруулах тухай бичсэн байна. Хэрэв та “сайн эцэг, эх” болохын тулд хурдан, хялбархан хэрэгжүүлчих арга барил, дүрэм, зөвлөмж хайж байгаа бол энэ ном тийм зорилготой биш. Харин энэ ном таны сэтгэлийг хөдөлгөж, магадгүй гуниглуулж, уур хүргэх ч байж мэднэ. Гэхдээ эцэст нь таныг илүү ойлгомжтой, ухаалаг, дотно харилцагч болгон төлөвшүүлэх хүчтэй бүтээл юм. Зохиолч энэ номыг залуу ээж байхдаа уншсан бол хэмээн чин сэтгэлээсээ хүсэж, үеийнхэндээ зориулан бичжээ.