Энэ бол бизнес стратегийн тухай ном биш юм. Стратеги бол улирал мэт хувирч өөрчлөгддөг зүйл билээ. Харин энэ ном цаг цагийн аясаар үл бүдгэрэх зүйлсийн талаар өгүүлнэ. Бүтээлч байдал, удирдлагын тухай гүнзгий тусгасан, хувь хүний хөгжил болон бизнесийн менежментийн зааварчилгааг хослуулсан онцгой бүтээл юм. Зохиолч өөрийн амьдрал, подкастын олон зуун ярилцлагад суурилан, хувь хүний өсөлт, бизнесийн амжилтад хүрэхэд зайлшгүй хэрэгтэй 33 зарчмыг тайлбарлан бичжээ. Тэр бээр энэ номоо “амьдралын толь бичиг” гэж нэрлэжээ. Энэ номд зөвхөн ажил, бизнесийн амжилтын талаар биш, харин өөрийгөө удирдаж сурах, сахилга баттай байх, дотоод сэтгэлээ ойлгож хөгжүүлэх тухай ч мөн гүн гүнзгий өгүүлсэн байдаг. Энэхүү ном нь бизнесийн замналаа эхэлж буй залуу удирдагчид, өөрийгөө дахин нээж, хөгжүүлэхийг хүсэгчдэд зориулагдсан. Тогтвортой амжилтад хүрэхийн тулд итгэл үнэмшил, хандлага, зан төлөвөө хэрхэн төлөвлөх, удирдах тухай урам зориг, ухаарал өгсөн бодит зөвлөмжүүдийг агуулсан бүтээл юм.