Хүүхэд бүхэн үлгэрт гардаг ханхүү, гүнж болох хүсэлтэй явдаг бөгөөд тэр чин хүсэл нь зөвхөн үлгэрт л байдаг. Монголчууд эрт цагаас хүүхдээ үлгэрээр хүмүүжүүлэн, тэднийг эр зоригтой болгодог байжээ. Бид хүүхэд хүсэл мөрөөдлөө биелүүлэх нэг арга нь үлгэр гэж үздэг. Үлгэр хүүхдийн хэл яриа, сэтгэхүйг хөгжүүлж, тэдний хүмүүжилд чухал нөлөө үзүүлдэг гэдгийг эцэг эхчүүд бүгд мэддэг ч хүүхдэдээ үлгэр уншиж, ярьж өгөх нь тун ховор. Үлгэр ярьж уншиж , ярьж өгөх нь тэдний хувьд эцэг эхтэйгээ байх хамгийн дотно мөч бөгөөд хүүхдээсээ элдэв зүйлс шаардахын оронд үлгэрээр дамжуулан хүмүүжүүлэх нь чухал нөлөөтэй ажээ. Тэдгээрээс эцэг эхчүүд та бүхний хүүхэд ахуй цагтаа шимтэж өссөн Орос ардын шилдэг үлгэрүүдээс  түүвэрлэн, үлгэрийн утга агуулганд нийцэхүйц зураг дүрслэлтэйгээр та бүхэнд хүргэж байна.  Аливаа ард түмэн өөр өөрийн гэсэн баатруудтай, тэдгээрийг үлгэр домогтоо мөнхлөн алдаршуулж, хойч үеийнхэндээ үлгэр дуурайл болгож байдаг билээ. Хүүхдийн зан суртахуун төлөвшиж, дуулгавартай, эелдэг, бусдын эрх ашгийг хүндэтгэдэг, хүнлэг, сайхан сэтгэлтэй нэгэн болоход үлгэр тусална. Үлгэрийн хэл яруу тансаг, үлгэр уншсан хүүхэд эх хэлээ бүрэн гүйцэд сурч, хэл ярианы баялагтай болдог.