Богино хэмжээний сургамжит өгүүлэг, хошин яриа, үлгэр домгийг нэр нь үл мэдэгдэх уран үгийн мастерууд туурвиж, тэдгээр бүтээл нь ам дамжин улам баяжиж, эцэст нь ард түмний бүтээл болдог нь нийтлэг үзэгдэл юм. Дундад зууны үеийн баруун Европт Тиль Ойленшпигелийн домог олон янзаар яригддаг. Мөн Турк, Газрын дундад тэнгис, Кавказын орнуудад Ходжа буюу Молла Насреддиний тухай хошин шогийг мэдэхгүй хүн үгүй. Солонгост тийм уран хошин үгтэй, ухаан сийрэг домгийн баатар гэвэл Ким Сон Даль гэгч бий билээ. Японд Хикоити шогч хүний тухай өгүүлдэг. Мянгуужингийн тухай яриа нь дэлхийн хошин шогийн зохиолд томоохон байр суурь эзлэх бөгөөд энэ төрлийн сонгодог зохиол мөн. Сербэд Ходжа Насреддиний шавь болох зальт Петерийн тухай яриа ихэд түгээмэл байдаг. Энэ ботиос та бүхэн орон орны хошин шогийн баатруудтай танилцах болно.