“Өндөр Өсгийттэй Лам” номын зохиогч Нишимүра Кодо.
Тус номын зохиогч нь ЛГБТК-ийн гишүүн, Буддын шашны лам, Холливуд кино оддын нүүр хувиргагч, фото модель, урлагийн мэргэжилтэн юм. Тэрээр ижил хүйстнээ сонирхох бэлгийн чиг хандлагынхаа улмаас ялгаварлан гадуурхагдаж, бусдын доог тохуу, үзэн ядалт дунд бага, өсвөр насаа өнгөрүүлсэн бөгөөд өөрийгөө бүрэн илэрхийлж, хүссэнээрээ амьдрах амьдралын төлөө уйгагүй хичээн зүтгэж, тэмцэж өнгөрүүлсэн он жилүүдээ сэтгэл татаж, зүрх шимшрүүлэм түүхүүдээр илэрхийлж ном болгон гаргасан байна. Түүний ном Япон улсад анх хэвлэгдсэн даруйдаа Англи, Испани, Франц, Итали, Герман, Эстони болон Еврей хэл дээр орчуулагдан уншигчдын гарт хүрсэн байна. Түүний тухай Японы NHK телевиз, Америкийн BBC агентлаг, VOGUE сэтгүүл онцолсны зэрэгцээ TIME сэтгүүлээс шалгаруулдаг 2022 оны дэлхийд нөлөөлөгч 100 залуугийн нэгээр шалгаруулсан байна. Зохиолч тус номоороо дамжуулж “Хүйс, арьсны өнгөнөөс үл хамааран хүн бүр тэгш эрхтэй” гэдэг үзлийг шинэ өнцгөөс дэлхий нийтэд түгээж буй залуу үеийн төлөөлөл юм. Өндөр Өсгийттэй Лам номыг Монгол уншигчдийн гар дээр Done Publishing-ийн хамт олон хүргэх болсондоо баяртай байгаа бөгөөд бас нэгэн шинэ өнцөг, шинэ өнгө, шинэ сэтгэлгээ уншигч танд өгнө гэдэгт бид итгэлтэй байна.