Өрнөдөд өргөн тархсан иог, бясалгал зэрэг одоодоо төвлөрөх дасгалууд мөн түүнчлэн, карма буюу үйлийн үр гэх мэт ухагдахуун, Аюурвед зэрэг уламжлалт анагаах ухаан бүгд Энэтхэгээс гарал үүсэлтэй. Энэтхэг бол дэлхийн ирээдүй. Microsoft, Google тэргүүтэй үндэстэн дамнасан корпорацуудын гүйцэтгэх захирлын албыг цолгорсон математикч, программист, инженерүүдийн тоогоороо дэлхийд толгой цохидог энэ орны хүмүүс хашиж буй. Тэдний амжилтын нууц нь юунд оршиж байна вэ?

Энэ номоос бүгдээрээ мэдэж авах болно. Хүний дотор орших бурханлаг чанарыг хүлээн зөвшөөрч, амар амгаланг эрэн мэндчилэх утга бүхий Намасте-г бичих болсон нэгэн шалтгаан нь өнөөгийн нийгэмд хүмүүсийн өөртөө тавьдаг дараах асуултуудад хариулт өгч, чадах ядахаараа тус болуужин гэсэн сэтгэл өвөрлөсөнд оршино.

• Хэрхэн зовлонг гэтэлж, утга төгөлдөр амьдрах вэ?

• Дотор нуугдаж буй бүтээлч эрч хүчээ хэрхэн сэрээж амилуулах вэ?

• Үйлийн үрийн хуулийг өдөр тутамдаа өөрт ашигтайгаар эргүүлэх боломжтой юу?

• Стресс, сэтгэл зовнил, айдсаас чөлөөлөгдөх арга чарга юу байна?

• Бие, сэтгэл, сүнсээ (spirit) хэрхэн тордож, насан эцэслэтлээ гал цогтой байх вэ?

Энэ мэт олон асуултад тохиромжтой, хөдөлбөргүй хариулт өгөх үүднээс бид аз жаргалтай, сэтгэл ханамжтай байх урлагийн талаар гаргууд мэдлэгтэй, тулхтай багш нараас хичээн суралцсаны эцэст энэхүү ном оо бичсэн билээ. "