Салхинд туугдах хамхуулаас өөр эзэнгүй зэлүүд хотын бяцхан хүү Жим. Тэрээр архины хамааралтай аав, бие муутай ээжийгээ насан туршдаа асрах хувь тавиланд төржээ. Гэвч нэгэн зуны гайхамшигт учрал түүний амьдралын зам мөрийг эгнэгт өөрчилсөн юм. Оргүй хоосноос эхэлсэн түүний замнал олон олон хүний амьдралыг өөрчлөх чадалтай судалгааны төв байгуулах хүртлээ дэвжсэн агаад тэрээр Дээрхийн Гэгээнтэн Далай ламтай хамтран, Стэнфордын их сургуульд нигүүлсэнгүй сэтгэлийг судлах төв байгуулсан байдаг. Goodreads цахим хуудасны уншигчдын сонгосон шилдэг баримтат бүтээл болох Шидэт Мухлаг нь бидний бодлоос чанагш орших тархи болон зүрхний гүн гүнзгий уялдаа холбоог өгүүлнэ. Уг зохиолд Жим өөрийн амьдралын нугачаа бүхнийг тун сонирхолтой, шинжлэх ухаанч байдлаар хүүрнэж бичсэн төдийгүй бага насандаа сурсан нууцлаг шидийн хүчээр тэр дэлхийд алдартай мэдрэлийн мэс засалч болж чадсан юм. Харин тэрхүү бясалгал болон сэтгэл зүрхээ нээх аргыг тэрээр хожмоо тархи судлалын үүднээс тайлж мэдсэн нь энэхүү ном болон уншигч таны гарт хүрч байна.