Юуны өмнө хөл хүнд болсон танд баяр хүргэе. Огт санаандгүй хийгээд эсвэл удаан хүсэн хүлээсний эцэст жирэмсэлсний аль нь ч бай үүнээс хойш жирэмсний үеэ идэвхтэй бөгөөд тайван амгалан өнгөрүүлэхийг хүсье. Гэр бүл төлөвлөгөө дөнгөж эхлээд, хүүхэдтэй болохыг хүсэж буй гэр бүлүүдэд ч бас сайхан үртэй болохын ерөөл дэвшүүлье. 

Жирэмсэн эхчүүдэд элбэг тохиолддог асуудлуудад мэргэжлийн хүмүүсийнх нь туурвисан бүтээлүүд дээр тулгуурлан үнэн, зөв хариулт өгөхийг зорин бичсэн Япон эмчийн бүтээл юм. Жирэмслэлтээс төрөлт хүртэлх хугацаанд нэн шаардлагатай ерөнхий мэдээллээс эхлээд мэддэггүй хэрнээ чухал мэдээллүүд, мэдэхэд илүүдэхгүй мэдээллийг нэгтгэсэн байна.