Тасралтгүй инновацыг ашиглан хэрхэн богино хугацаанд бага зардлаар амжилттай бизнес босгох тухай гарын авлага. Дэвшилтэт стартап нь зөвхөн амжилттай бизнес эрхлэх тухай бус, харин бүтээж буй бүхнээ бодитоор сайжруулахын тулд эдгээр бизнесээс бид юу сурч болох тухай юм. Дэвшилтэт стартап зарчмыг засгийн газрын хөтөлбөр, эрүүл мэндийн хамгаалал болон дэлхий нийтэд тулгамдаад буй томоохон асуудлын шийдэлд авч хэрэгжүүлээсэй гэж би боддог. Эцэст нь энэ бол юу болж, юу болохгүй байгааг бид хэрхэн илүү хурдан олж мэдэх боломжтой вэ? гэсэн асуултын туйлын үнэн хариулт юм.” -- Тим О’Рейли, Рейли медиагийн гүйцэтгэх захирал “Эрик Риз энтрепренёршипын нууцыг задалж, ид шид эсвэл гоц авъяас нь амжилтад хүргэгч чухал зүйл биш гэдгийг илчилсэн бөгөөд түүний оронд сурч, орлуулах боломжтой шинжлэх ухаанч ажиллагааг бидэнд санал болгож байна. Та гарааны бизнес эрхлэгч эсвэл ямар нэг байгууллагын энтрепренёр эсэхээс үл хамааран үл мэдэгдэгч эсвэл шинэ зүйлсийг эрэлхийлэхэд тань чухал ач холбогдолтой суралцах зүйлс энд бий”. -- Тим Браун, ИДЕО компанийн гүйцэтгэх захирал “Энэ бол хорин нэгдүгээр зууны инновацын газрын зураг. Дэвшилтэт стартапын санаанууд дараагийн аж үйлдвэрийн хувьсгалыг эхлүүлэхэд бидэнд тусална.” -- Стив Блэнк, Стэнфордийн их сургууль, Калифорнийн Берклигийн их сургууль Хаас бизнесийн сургуулийн багш “Үүсгэн байгуулагч баг бүр дөчин найман цаг ажиллахаа больж, Дэвшилтэт стартапыг унших хэрэгтэй. Чухалчлан хэлье, түр зогс тэгээд яг одоо энэ номыг унш.” -- Скотт Кейс, Стартап америк түншлэлийн гүйцэтгэх захирал “Энэхүү номын гол сургамж бол стартапууд одоо цагт буюу юу ч пауэрпойнтын илтгэлийн дагуу өрнөдөггүй, өнгөрсөн болон ирээдүй цагийн дундах эмх замбараагүй тэр орчинд оршдог. Ризийн “унш тэгээд хариу үйлдэл үзүүл” гэсэн хандлага, баталгаажсан мэдлэгийн төлөөх няцашгүй төвлөрөл, “хазай”, эсвэл “хэвээр үргэлжлүүл” хоёрын хоорондох дуусашгүй тэмүүлэл нь бүгд энтрепренёршипын динамик байдлыг тэрээр үнэлж буйн баталгаа юм.”