Энэ 3-р боть номд хүний санаа гэж юу болох тухай тайлбарласан. Хүн санаагаа хэлнэ гэдэг тийм ч амархан биш яагаад гэвэл хүний хэлсэн санаа тухайн хүний өөрийн санаа байх ёстой. Тиймээс өөрийн санаа юу юунаас хамааралтай вэ гэдгийг тайлбарлаж бичсэн. Номын 2 дахь том сэдэв хүний сэтгэлийн тухай. Хүний сэтгэл гэдэг бас л тийм ч амархан илэрхийлэгдэхгүй. яагаад гэвэл хүний сэтгэл зөвхөн сэтгэлзүйн асуудал биш бас ёс суртахуун хамааралтай. яагаад сэтгэлийн тухай дэлгэрэнгүй тайлбарласан вэ гэхээр сэтгэлийг мэдрэмжтэй хольж хутгаж эндүүрдэг. Мэдрэмж гэдэг гаднаас орж ирснийг хүлээн авахыг хэлнэ. Сэтгэл гэдэг дотроос гаралтай сэтгэлийн хөдөлгөөнүүд шүү гэдгийг мартаж болохгүй. Номын 3р бүлэгт зохиол гэдэг хаанаас гаралтай мөн яагаад бидэнд хэрэгтэй вэ тухай тайлбарласан. Хүн ерөөсөө хүүхэд цагаасаа зохиож чаддаг бөгөөд үүнийг хөгжүүлэхийн тулд хүүхдийг хорих биш дэмжих хэрэгтэй. Олонх зохиох үйл явдлууд уран бүтээл урлагын бүтээл гэсэн нэрлэгээнүүдийг авч хүмүүсийн танил болдог. Эцсийн эцэст хүний нийгэм хүний амьдрал хүмүүсийн өөрийн зохиох чадвар хэр сайн бэ түүнээс хамаардаг. Хүн өөрөө өөрийнхөө зохиол шүү гэдгийг мартаж болохгүй. Энэ номонд хүн зохиохдоо моралийн болон гоо зүйн дүрмүүдийг анхаарч гоо зүйтэйгээр зохиогоорой гэдгийг уриалж бичсэн.