<p>Энэ бүтээл болбоос Орос, Польшийн монголч эрдэмтэн Осип Михайлович Ковалевский (1800–1878)-н 1830-1831 онд Оросын үнэн алдартны шашны төлөөлөгчдийн арав, арван нэг дэх удаагийн бүрэлдэхүүнд багтан Орос, Монгол, Хятадаар аялсан эрдэм шинжилгээний аяллын өдрийн тэмдэглэл юм. Энэ тэмдэглэлийг анх 2005 онд эмхэтгэн гаргажээ. Харин манай хэвлэлийн газар 2018 онд Оросын Дорно дахины судлал үүссэний 200 жилийн ойд зориулан шинжлэх ухааны доктор Р.М.Валеев, И.В.Кульганек нар Казань хотноо “Орос-Монгол-Хятад: монголч эрдэмтэн О.М.Ковалевскийн өдрийн тэмдэглэлүүд (1830-1831 он)” нэртэйгээр нэмж боловсруулсан эхийг доктор Н.Ганбатын орчуулснаар монгол уншигчдадаа хүргэж байна.</p>
