Хүн төрөлхтөний ундааны дээж болсон цайг нарийн судалж “Цайны мэргэн” хэмээн алдаршсан Лу Юйгийн тэртээ Тан улсын үед бичсэн “Цайны судар”-ыг энэ номд бүрэн эхээр нь бүлэг бүлгээр нь зурагжуулан тайлбарлажээ. Уншигч таны дэлгэж буй энэ бүтээлд эрт цагаас нааш цайны ургамлыг хэрхэн яаж арчлан ургуулж, боловсруулан бэлдэж, хатаан хадгалж, чанаж бэлэн болгодог байсан тухай дэлгэрэнгүй өгүүлсэн нь цайнд дуртай, цайны соёлыг судалдаг хүн бүхэнд сонирхолтой байх нь лавтай юм.