Цагаа олсон үг илднээс хүчтэй...
Таны очсон газар бүрд асуудалгүй хүмүүс таараад байвал та буруу газраа яваад байна гэсэн үг. Урд гарч үгээ хэлэхийн тулд хүндлэл, талархал, хайр хүлээж байдаг гэж бодвол төөрөгдөл. Харин очих газар бүрд чинь шийдэгдээгүй асуудлууд, замбараагүй байдал, урам хугарсан ажилчид, өөртөө эргэлзсэн залуус, санхүүгийн асуудал, нэгэндээ гомдсон хосууд, стресстсэн удирдагчид таныг хүлээж байх болно.
Та өөртөө шүтэн бишрэгчдийг бүтээхийн тулд уу эсвэл асуудлыг шийдэхийн тулд ярьж байна уу гэдэг нь харагдана. Алга ташуулахын тулд бус асуудал хаана нуугдаж байгааг нээж харуулахын тулд урд гараарай.
Тиймээс урд гарч хэлэх үгтэйгээ хамт алх, үгтэйгээ хамт унт, үгтэйгээ хамт хоолло, үгтэйгээ хамт амьсгал... Үг таны дотор амьдарч боловсрох болно. Өдөр хоногоор бодож бясалгасан үг чинь таны дотроос гарах газар хайн, ийш тийш булгих мэт хүчтэй оволзох ёстой. Энэ үед та амаа нээхэд даралттай үгс сум мэт хүмүүс рүү харван гарах болно.
Урд гарч үгээ хэлэх цаг чинь болсон...