Уг зохиолд Хубилай хааны багын дүрээр хүнлэг энэрэнгүй зангийн ач тусыг харуулсан бөгөөд Хубилай хүү санаандгүй байдлаар гэнэтийн адал явдалтай учирч , алс дорнын нэгэн улсад боолчлогдох болдог , энэхүү хүнд хэцүү үедээ бусдыг гэсэн сайхан сэтгэлийнхээ ачаар сайн найзуудтай болж бүх саадыг даван туулна. Хубилай хүүд туслагч бас нэгэн сайн анд нь Домгийн ганц эвэрт билээ. Монголчууд ' Бэлгэт гөрөөс' , 'Хилэн гөрөөс ' ч гэдэг уг содон амьтнаар сайн сайхан , цэвэр ариун , төлөв төвшин байдлыг бэлэгдэнэ. Үлгэр 28-32 нүүр бөгөөд шүлэг , бэлгэдэл, үлгэр, хааны намтар, үгийн тайлбар бүхий хэсгүүдтэй. Энэхүү цуврал нь монгол хүүгийн дүрээр эртний монгол ахуйг бяцхан уншигчдадаа толилуулах зорилготой билээ. Хубилай хүүгийн өмсгөл зүүсгэл гал улаан өнгийг шингээжээ. Улаан өнгө нь монгол түмний бэлгэдэлт сэтгэлгээнд сүр жавхлан цог золбоог илэрхийлдэг. номын зохиомжид зоосон хээг ашигласан нь хубилай хаан анх мөнгөн тэмдэгтийг эдийн засгийн эргэлтэнд оруулсан түүхэн гавьяаг бэлгэдсэн билээ. Манай бяцхан уншигчид уг үлгэрээс их гүрнийхээ нэгэн хааны намтар болон түүхэн цаг үеэр аялж, газар орон болон тухайн үеийн монголчуудын аж ахуй, эдлэл хэрэглэлийн талаар ойлголттой болж, мэдэхгүй үгсээ үгийн тайлбар хэсгээс судалж мэдэх зэргээр мэдлэгийн хүрээгээ тэлэх ач тусыг хүртэх болно.