Энэхүү бүтээлд ХХ зуунд Монгол Улсад явагдсан их хэлмэгдүүлэлтэнд өртөж хэлмэгдэн, улмаар цагаатгагдсан хүмүүсийн товч мэдээлэл багтсан буй. Завхан аймгийн 24 сумаас нийт 2600 гаруй хүний мэдээлэл энд багтсан байна. Монгол Улсын Цагаатгах ажлыг удирдан зохион байгуулах улсын комиссын хэлмэгдэгсдийн мэдээллийн нэгдсэн санд хадгалагдаж буй энэхүү баримтанд орсон хүмүүсийн нэр бол ямар нэгэн байдлаар хилс хэрэгт холбогдож улмаар гэм буруугүй нь нотлогдсон тул цагаатгагдсан хүмүүс хэмээн ойлгож болно.