АНЖ ПИТУ
Анж Питу нь агуу XV Людвикийн хаанчлалаас Францын хувьсал хүртэлх үйл явдлыг багтаасан Александр Дюмагийн дөрвөн түүхэн романы нэг юм. Бусдаасаа өвөрмөц, сэтгэхүйн хувьд тэс ондоо төрсөн Анж Питу хэмээх хүүгийн ээж нас барснаар түүний золгүй хувь тавилан эхэлнэ. Асран хамгаалагчгүй өнчин хоцорсон тэрээр авга эгчийндээ амьдрах болсноор нөхцөл байдал бүр хүндэрч, өөрөө өдрийн хоолоо өл залгуулах, шуналтай авгынхаа амь зуулгыг олох хэрэгтэй болно. Өдөр, шөнийг умартан шувуу, туулай агнаж, түүний ангийн арьсыг авга эгч нь дамнан худалдаална. Гэвч нэгэн өдөр Форте ламын сургуулиас түүнийг хөөгдөхөд хожим Питуг лам болгож, няраваар нь ажиллаж маш их мөнгөтэй болно гэж мөрөөдсөн авга эгчийн мөрөөдөл замхран алга болоход гэрээсээ эргэлзэлгүй хөөнө. Ийнхүү Анж Питу ангийн махаар амь зууж явахдаа фермийн эзний охин Катрин хэмээх сайхан бүсгүйг олж харна.
Францын хувьсгалыг нэвт шингээсэн эл романд өлсгөлөн, харанхуй бүдүүлэг Францын ард түмэн өөрсдийн ядуурлын шалтгаан гэж үзсэн бүхнээ устгахын төлөөх улангасан дайрах болслого хөдөлгөөн, хурц тэмцлийг харуулна.