Хайр төвтэй гэр бүлийн хүмүүжлээр монгол хүнийг энэрэнгүй, мөс чанартай ХҮН болгон төлөвшүүлж ирсэн уламжлалтай билээ, бид. Хүнлэг, ухамсартай, бусдын төлөө сэтгэлтэй, ёс суртахуунтай, гоо зүйтэй, хариуцлагатай, эх оронч сэтгэлгээтэй, ХҮН ЧАНАР бүхий монгол хүний төлөвшил хэзээ ч гээгдэх учиргүй. Иймээс аав ээжүүд бид үндэстний уламжлалаасаа суралцаж, үр хүүхдүүддээ өвлүүлэх ХҮН БОЛОХ УРЛАГ-ийг эзэмших зайлшгүй шаардлага байна.