2010 онд Кевин Систром, Майк Крейгер хоёр фото зураг сошиал орчинд хуваалцах боломжтой энгийн, татгалзахын аргагүй онцлогтой Инстаграм аппликейшнийг олон нийтэд танилцуулав. Хамтран үүсгэн байгуулагчид бүхэл бүтэн фото зурагчид, өвөрмөц, уран сэтгэмжтэй хүмүүсийг аппликейшнийхаа тусламжтайгаар бий болгож, маш богино хугацаанд чиг хандлагыг тодорхойлогч болгосон байдаг. Хоёрхон жилийн дотор Фейсбүүкийн анхаарлыг татснаар Марк Цукерберг түүхэн 1 тэрбум доллароор 13-хан ажилтантай Инстаграмыг худалдан авсан юм.

Энэ нь магад төгс амжилтын түүхийн төгсгөл ч байж мэдэхээр байлаа. Гэвч үүсгэн байгуулагчид Инстаграмын гол давуу тал, брэнд, өвөрмөц онцлогыг хадгалах, өөрсдийн аппликейшнийг сошиал нетворкийн аварга компаниас тусад нь байлгахыг оролдож байв. Тэд ажилчдаа үнэхээр шаардлагатай тохиолдолд л өөрчлөлт хийхийг зөвлөж, Фейсбүүкийн бүтээлч болон алдартай хүмүүсийг онцлох стратеги, ямар ч хамаагүй зардлаар өсөлтөө нэмэгдүүл гэх философид уусаж болохгүй талаар сануулна. Инстаграм дөнгөж тэрбум хэрэглэгчтэй болоход Фейсбүүкийн Гүйцэтгэх захирал Марк Цукерберг үүсгэн байгуулагчдын хараат бус байдлыг дэмжиж байсан ч Инстаграмын ирээдүйн амжилтанд аюул тарьж эхэлж буй мэт санагдах болжээ.

Фрайeр дэлхийн нөлөө бүхий инфлүнсерүүдийн тусламжтай Инстаграм нь хэрхэн бидний өөрсдийгөө илэрхийлэх, идэж уух, аялах, харилцах амьдралыг үндсээр нь өөрчилж байгааг харуулахаар оролдохын сацуу компанийн амжилтад хувь нэмэр оруулж байдаг үнэ цэнийг хадгалахаар хэнд ч байгаагүй мэдээлэлд нэвтрэх боломжтой байв. No Filter нь Инстаграм нь хэрхэн өнөөгийн бидний нийгмийн хамгийн нөлөөтэй, хүчирхэг хэрэгсэл, бидний технологитой харилцах зовлонт харилцааг онцлож, бидний төгс төгөлдөрийн төлөөх хүсэл болон технологитой түүний дотор хамгийн үнэ цэнтэй таавар болох бидний анхаарлын төлөөх дайны талаар судлан бичжээ.