Кавабатагийн үг хэл амьд. Басхүү уншигчдад сайн мууг тулгадаггүй. Энэ бол жинхэнэ утга зохиолын онцлог байж мэднэ.Ер нь дорно дахин цаг улирлын зохицол, өөрчлөлтийг нарийн мэдэрч, түүнийгээ өдөр тутмын амьдрал ахуй, ажил хөдөлмөр, дэг ёс, соёл урлаг, уран бүтээл, бэлгэдэлдээ нэвт шингээдэг. Байгальтайгаа ойр ард түмний  ухаан ийм аж.
   Энэ бүх хүний сэтгэлийн нарийн дүрслэл Кавабатагийн зохиолд цайны ёслол , эдлэл хэрэглэл, кимоногийн хээ хуараар дамжин илрэхийн сацуу дүрүүдийн сүнслэг ариун тунгалаг сэтгэлийн өчил болж уншигч таны зүрх сэтгэлд хүрэх болов уу гэж найдна.