Японы нэрт зохиолч, орчуулагч, соён гэгээрүүлэгч, эмч Мори Оогай (1862-1922) Токиогийн Их сургуулийн Анагаах ухааны факультетыг 1881 онд төгсөж, 1884-1887 онд Германы Лейпциг, Мюнхен, Берлин хотуудад анагаах ухааны чиглэлээр суралцжээ. Тэрбээр Японы Цэргийн яамны эмнэлэг хариуцсан өндөр албан тушаалыг олон жил хашихын зэрэгцээ зохиол бүтээлээ туурвидаг байв.
Зэрлэг галуу зохиолд үзэсгэлэнт бүсгүйн оюутан залууд өгсөн хайр сэтгэл болон тэдний хувь заяа санамсаргүй тохиолдлоор холбогдож бас сарнисныг дүрсэлжээ.