Муу хүмүүс эрх мэдэл рүү тэмүүлдэг үү? Эрх мэдэл муу хүмүүсийг өөртөө татдаг уу? Эрх мэдэл эвддэг үү? Бид өөрсдийгөө удирдах хүмүүсээ зөв сонгож, томилж чадаж байна уу? Эрх мэдэлтэй холбоотой ийм асуултууд эргэлзээ төрүүлсэн, маргаан өрнүүлсэн сэдвийн нэг. Улс төр судлаач Брайан Клаас энэхүү номдоо эрх мэдэлтэй холбоотой эдгээр асуултын хариуг дэлхийн өнцөг булан бүрд сайнаар ч муугаар ч нэрд гарсан төр засгийн тэргүүн, улс төрч, дарангуйлагч, босогчид, шашны гаж урсгалын удирдагч, гэмт хэрэгтэн зэрэг хүмүүстэй хийсэн 500 гаруй ярилцлага, түүх, нийгэм, сэтгэл судлалын шинжлэх ухааны судалгаа баримт дээр тулгуурлан хүргэнэ. Тус ном нь хүний ген, тархины хөгжил, чулуун зэвсгийн үеэс уламжлагдан ирсэн зөн совин, нийгэм, хүрээлэн буй орчны нөлөө, соёлын онцлог, хувь хүний зан авир зэрэг олон талын сонирхолтой судалгаа агуулсан бөгөөд зохиогчийн зүгээс эрх мэдлийг зөв шударга хэрэгжүүлэх нөхцөл, тогтолцоог хэрхэн бүрдүүлэх талаар санал зөвлөмж дэвшүүлсэн.