Хүүхэд бага наснаасаа хүсэл ба хэрэгцээг ялгаж таньж, удирдаж сурах нь нас биед хүрсэн хойноо боловсролын хувьд ч, сэтгэл хөдлөлийн хувьд ч илүү ухаалаг, амжилттай нэгэн болдгийг тогтоожээ.

Хүсэл бол ХЯЗГААРГҮЙ. Хүсэл буруу биш ч тэр хэзээ ч дуусахгүй. Харин бидэнд байгаа “мөнгө”, “цаг” хэмжээтэй тул, энэ 2-оо сайн ялгаж, зөв удирдах нь чухал гэдгийг хүүхдүүддээ ойлгуулах хэрэгтэй.

Хүсэл, хэрэгцээгээ ялгаж сурснаар хүүхдэд маш олон чадвар, давуу талууд үүсдэг:

• Сонголтоо зөв хийж, шийдвэр гаргаж сурдаг. Сонголтын үр дүн, хариуцлагыг ухамсарладаг болно.

• Тэд өөрийн АЗ ЖАРГАЛ-аа хэт их хүслээс болж бусниулах ёсгүй гэдгийг ойлгож авдаг. Материаллаг зүйлээс илүү энгийн зүйлсээс аз жаргалыг мэдэрч, илүү амар амгалан амьдарч, байгаа зүйлдээ талархаж, өөрийн чухал хэрэгцээтэй зүйлдээ л өөрт байгаа цаг, эрч хүч, энергиэ зориулж сурдаг.