ОХУ-ын Эрмитаж музей нь Монголын түүхэнд холбогдох өв, соёлын хосгүй дурсгалуудыг хадгалдаг нэгэн томоохон төв юм. Улсын Эрмитаж музейн цуглуулгад буй XIII-XIV зууны үеийн Монголын эзэнт гүрний үед хамаарах эд өлгийн зүйлс болох Кондуй, Хархираа, Дён Терек, Межегей зэрэг хотын малтлагаар гарсан олдворуудад тус музейн судлаач, доктор Ю.И.Елихина дэлгэрэнгүй тайлбар хийн хэвлэн нийтлүүлж байгаа юм.