Завсрын эмгэг нь бусадтай харилцах харилцааны асуудал, өөрийн дүр төрхийн үнэлэмж, сэтгэл санааны тогтворгүй байдал болон огцом өдөөлтөөр илэрдэг эмгэг юм (APA, 2013). Ийм эмгэгтэй хүн хаягдаж, орхигдохоос айх, зайлсхийх зорилгоор сандарч, тэвдсэн зан үйл гаргадаг (АРА, 2013). Өөрийгөө хянах чадваргүй, ааштай хүн завсрын эмгэгтэй болох эрсдэлтэй. Тэд хурц ааштай учир хурдан, огцом өөрчлөгддөг. Дараах шинжээр илэрдэг:

· Тогтворгүй хайр дурлал, нөхөрлөл, холбоо харилцаа. (Хурдан муудаж, сайдах).

· Бодлогогүй мөнгө үрэх (дараа нь харамсах).

· Огцом өдөөлтөд автах үедээ өөрийн болон бусдын амь насанд аюултай зан үйл хийх. Тухайлбал, болгоомжгүй замын хөдөлгөөнд оролцох, согтуу үедээ жолоо барих, хурдтай давхих, гэнэт тоормослох зэрэг.

· Ямар ч шалтгаангүй зан ааш нь өөрчлөгдөх буюу огцом уурлах, хурдан уйдах зэрэг. Сэтгэлээр унах, уурлах нь элбэг. Уураа хүчирхийллээр илэрхийлдэг.

Сэтгэл санааны тогтворгүй байдал нь цочролоос авсан сэтгэл зүйн гэмтэл, сэтгэл гутрал, түгшүүр зэргээс үүсдэг. Энэ эмгэгээс үр дүнтэй урьдчилан сэргийлэх арга бол сэтгэл хөдлөлөө удирдаж сурах, өөрийгөө таньж мэдэх зэрэг юм.