Тэнгисийн цэргийн чөлөөнд гарсан адмирал Уильяам МакРейвен энэхүү номдоо SEAL буюу цэргийн тусгай хүчнийхэн бэлддэг сургалтаас сурсан 10 дүрмийг багтаасан.
Эл 10 дүрэм хүнд хэцүү бэлтгэлийг даван туулахад түүнд асар ихээр тусалсан билээ.
Намтарчилсан хэлбэрээр туурвисан эл бүтээл 2017 онд гарч удалгүй борлуулалт өндөртэй төдийгүй уншууштай ном болж чадсан.

Цэргийн амьдрал ердөө өглөө бүр ороо цэвэр цэмцгэр, өөгүй хураахаас эхэлдэг лугаа адил эгэл жир хүний амьдрал ч ялгаа нь үгүй ороо сайхан хураахаас эхэлдэг биш үү?
Хамгийн энгийн, ялихгүй үйл атлаа амьдралд хэчнээн их тустайг өгүүлээд баршгүй. Магад хүн хамгийн багаас л бүхнийг эхэлдэг билээ. Нэг жижигхэн үйлийг сайн хийлээ гэхэд өөртөө урам зоригтой байж цаашлаад илүү ихийг хийх урам зориг ундарна.
Улам ихийг хүсэлтэй хүн зоригтой, мятаршгүй байхын сацуу бусадтайгаа хамтарч, тэдэнд тусалж, итгэл найдвар өгч чадах агаад хамгийн гол нь хэзээ ч шударга байдаггүй амьдралд цэх зогсоод саад бэрхшээлийн өөдөөс шантаршгүйгээр дуулан хэзээ, хэзээ ч бууж өгөхгүй.