Энэ бол оргилд хүрэхийг тэмүүлэн буй, удмынхнаасаа анхлан коллежид элссэн оюутан, хүүхдээ энэ зэрэгт хүрэхийг харахыг хүссэн эцэг эх бүрд зориулсан ном. Уулзвар бүр дээр хүч бий. Та хэмнэлээ олж, хөгжих орон зайг тэрхүү зурвастаа бүтээж чадна. Мөрөөдлийнхөө ажил дээрээ хэнд ч ярихааргүй эрсдэл, сорилттой нүүр тулсан бүхэнд энэ номыг зориуллаа. Та ганцаараа биш.
Биднийг залгамжлан авч, илүү сайныг бий болгох үүрэгтэй тэр хүмүүст зориуллаа. Хүссэн амьдралаа цогцлоох замд ид шид бүтээхэд тань дутуу үнэлдэг тэр л зүйлс тусална гэдгийг энэ ном сануулна гэдэгт найднам. Үүнийгээ хайж олоорой. Ашиглаарай. Итгээрэй. Өөрсдийгөө дутуу, санасан шиг биш гэдгийг сонсох, тэгээд үүнийг давж, өөртөө итгэхэд чамгүй хугацаа зарцуулна. Санасан шиг ухаантай биш. Санасан шиг үзэсгэлэнтэй биш. Санасан шиг амжилттай биш. Санасан шиг залуу биш. Санасан шиг хөгшин биш. Санасан шиг сэрж сэхээрсэн биш. Гэхдээ энэ бүхний эсрэг “Санаснаас ч илүү” гэж хэлэхийг сануулах дуу хоолой нь энэ ном байгаасай гэж хүсэж байна. Хорвоо ертөнц хүлээж байна. Явцгаая.