PayPal-ын үүсэл хийгээд Илон Маск, Эми Роу Клемент, Питер Тиэл, Жюли Андерсон, Макс Левчин, Рейд Хоффман нарыг багтаасан үүсгэн байгуулагчдын түүхийг урьд өмнө хаана ч хуваалцаагүйгээр илэн далангуй, нэгд нэгэнгүй хүүрнэжээ. Тэд орчин үеийн дэлхийн өнгө төрхийг тодорхойлдог. Харин тэдний түүх PayPal-ыг үүсгэн байгуулснаас эхэлдэг.

Өнөөдөр PayPal-ын үүсгэн байгуулагчид, түүний эхэн үеийн ажилчид технологийн салбарын хамгийн хүчирхэг сүлжээнд тооцогддог. Тэд PayPal-ыг орхисноосоо хойш Facebook, YouTube, SpaceX, Yelp, Palantir, LinkedIn зэрэг манай эриний шилдэг компаниудыг байгуулж, хөрөнгө оруулж, зөвлөх үйлчилгээ үзүүлсээр иржээ. Харин энэ эрхмүүд бүлгээрээ XXI зууны инноваци, энтрепренерчлэлийг хөгжүүлэн авч явдаг. Тэдний нэрс хүсэл тэмүүллийг бадрааж, хүлээн зөвшөөрөгдөхийн хамтаар маргааны сэдэв ч болдог юм.

Тэдний энэ их нөлөөллийг бүгд мэддэг хэрнээ энэ түүх чухам хаанаас эхэлснийг хэвлэл мэдээллээр төдийлөн дурддаггүй. Тэд худалдааны орон зайн өрсөлдөөн, хурдацтай эхэлсэн сошиал медиагийн өсөлтийн галыг оволзуулахаасаа өмнө муухан зохион байгуулалттай онлайн төлбөрийн хэрэгсийн старт ап PayPal-ын даруухан бүтээгчид байсан билээ. Өнөөгийн дэлхийн урдаа барьдаг компаниудын нэгийг бүтээхийн тулд ширүүн өрсөлдөөн, дотоод зөрчилдөөн, өргөн тархсан онлайн луйврын аюул, 2000-аад онд явагдсан дот комуудын сүйрэл дагуулсан хөөс хагарал зэргийг, бүгдийг туулсан тэдний хувьд амжилт хэзээ ч мэдээжийн зүйл байсангүй.

Үүсгэн байгуулагчид: PayPal-ын түүх ба Цахиурын хөндийг бүтээсэн энтрепренерүүд номд шагналт зохиолч, намтар туурвигч Жимми Сони PayPal-ын эхэн үеийн адал явдал, асуудал бэрхшээлээр дүүрэн өдрүүдийг хүүрнэжээ. Зуу зуун ярилцлага, урьд өмнө дэлгэгдээгүй мянга мянган хуудас хувийн баримт сэлтүүдийг цуглуулан хоёр арваны өмнө, хурдацтай өссөн дижитал старт апууд, цахим мөнгөн тэмдэгтийн концепц, цахим мөнгөн шилжүүлэг гээд өнөөгийн дэлхийн өнгө аясыг тодорхойлсон үндэс суурь хэрхэн тавигдсаныг бидэнд харуулжээ. Мөн түүнчлэн тэрээр хэвлэл мэдээллийн хэрэгслээр нэрс нь дурдагдаагүй ч PayPal-ын амжилтад чухал үүрэг гүйцэтгэсэн тоймгүй олон хүний түүхийг ч өгүүлэхээ мартсангүй.

Үүсгэн байгуулагчид бол өнөөгийн амьдралд хүчирхэг, тогтвортой үр нөлөөгөө үзүүлсэн бүтээгдэхүүн, бүтээлч байдал, давталтын түүх билээ. Энэ түүх бол авъяастнууд нэг дор цугларсан ховорхон тохиол, тэр нь дэлхий ертөнцийг хэрхэн өөрчилснийг зурагласан хүүрнэл юм.