Тэрээр “Хүн харсан, сонссон бүхнийхээ төлөө хариуцлага хүлээх ёстой” гэж хэлдэг. Тиймээ, зөвхөн хийсэн үйлийнхээ төлөө бус, бүр харсан сонссон бүхнийхээ төлөө шүү дээ. Энэ бол Старбаксын ерөнхийлөгч Ховард Шульцын үргэлж хэлдэг үг. Тэрээр Урагшаа номдоо компанийнхаа үндсэн философийг алдалгүй эдийн засгийн хүнд сорилтыг хэрхэн даван туулснаа өөрийн туршлага дээр үндэслэн илэн далангуй хүүрнэжээ.
Тоо, өсөлтийн араас хөөцөлдсөөр компанийн үндсэн, хүмүүнлэг уламжлал алдагдаад буйг анзаарсан ерөнхийлөгч Ховард Шульц компанидаа эргэн CEO-гоор ирэхээр шийднэ. Ингээд Африк тивийн хөрснөөс үйлчлүүлэгчийн аяга хүртэл холын замыг туулдаг, гайхалтай кофеныхоо нэгэн адил компанид нүүрлэсэн алдаа мадаг бүрийг алхам алхмаар засан залруулах холын аяллаа эхлүүлнэ.