Бидний гунигт сахиусан тэнгэр, дуучин, дуу зохиогч Лана Дель Рей 2020 онд "Өвсөнд мэхийх Нил цэцэг" хэмээх анхны яруу найргийн номоо гаргасан билээ. Нил паблишингаас хөгжим, яруу найраг сонирхогч залуус, Ланагийн фэнүүдэд зориулан эл яруу найргийн номыг монгол хэл дээр гаргаж байна. "Тэвчихийн аргагүй хөнгөн оршихуй", "Гоо үзэсгэлэн бол шарх" номын орчуулагч Ж.Тэгшзаяагийн орчуулгаар энэ ном уншигчдад хүрэх болно, мөн энэ бол орчуулагч Тэгшзаяагийн анхны яруу найргийн орчуулга гэдгээрээ онцлог. Ланагийн гэнэн ч гэмээр энгийн үгсээр бүтсэн гунигтай, зоргоор, үнэн шүлгүүдийн уур амьсгал уншигчдад үнэхээр таалагдах байх.