Номын тухай: Цаг минутаар өсөх бие махбодийн өөрчлөлт нь өсвөр насныханд гайхалтай их эрч хүчийг байнга бэлэглэж байдаг. Хэрэв чи энэ их хүч тэнхээг эерэгээр чиглүүлж чадвал аз жаргал чамд өөрөө ирэх болно. Улмаар зөв хүн болон төлөвшиж, цаашлаад сайн мэргэжилтэн болох бөх бат суурь тавигдаж чадна. Харин хэрхэн амар хялбар, таатай аргаар өөрийгөө залж хөгжүүлэх ухааныг бид чамд зөвлөх болно.

​​Хүн бүр авьяастай төрдөг. Авьяасаа хэрхэн илрүүлэх, түүнийгээ яаж хөгжүүлэх талаар хөгжингүй орнуудын мэргэжилтнүүдийн өгсөн аргачлалыг чамд “ГАЙХАМШИГТ ӨСВӨР НАС” номоор хүргэж байна. Шинэ эрин цаг сэтгэлгээ сайтай, гоо зүйтэй, хэл соёлтой, мэдлэг чадвартай иргэнд өндөр цалин амлах боллоо. Энэ чадваруудын ихэнхи нь өсвөр насанд суурьшдаг болохыг мэргэжилтнүүд тогтоосон байдаг.

​​Тэгээд ч хүн гэдэг бодлынхоо бүтээгдэхүүн байдаг. Чи зөв хүн болж төлөвшихийг чин сэтгэлээсээ үнэхээр хүссэн л бол гарцаагүй болж чадна. Бид ч чамд туслах болно. Зөв хүн аз жаргалаа, амжилтаа өөрөө бүтээж чаддаг.

Хэл яриа болон харилцаагаа хэрхэн хөгжүүлэх, дүнгээ яаж ахиулах, мэдлэгээ хэрхэн өргөсгөх, ном унших арга, гадаад хэлийг яаж амар хялбар сурах, муу зуршилаасаа хэрхэн хурдан салах, өндөр болох, хэвийн жингийн асуудал, ганцаардал, сэтгэл гутрал, мэргэжил сонголт, хувцаслах, хайрлах, хооллох урлаг гээд л олон тулгамдсан асуудалд уг ном чамд гарцаагүй туслаж чадна.