Тус бүтээл нь философийн тухайн ерөнхий ойлголт, хүн төрөлхтний сэтгэлгээний түүхэн дэх сайн сайхан байдлын болон эрүүл мэндийн тухай үзэл санааны хөгжлийн өрнө болон дорно дахины түүхэн тойм, орчин цагийн спортын философи дахь эрүүл мэнд, өвчин эмгэгийн тухай үзэл санааны төлөвшил, анагаахын болон сувилахуйн философийн талаар багтаан тайлбарлажээ. Манай орны философийн шинжлэх ухааны судалгаа, сургалт, сурталчилгаанд нийгэм - улс төр, орчлон ертөнцийн зүй тогтлыг онолын түвшинд тайлбарлах, бясалгахад түлхүү анхаарсан нөхцөлд сайн сайхан байдал болон эрүүл мэнд хэмээх нийгмийн практик дахь асуудлын философи судалгааг хөндөж байгаагаараа онолын хувьд ач холбогдолтой. Цаашид анагаахын чиглэлийн их, дээд сургуулиудад философийн хичээлийг мэргэжлийн буюу сайн сайхан байдал, эрүүл философийн сэдвээр баяжуулахад чухал түлхэц болох практик ач холбогдолтой.