Таны өмнөөс харж суугаа эр хүнийхээ талаар бүгдийг мэднэ гэж та боддог уу? Магадгүй л юм. Тэгвэл энэ жижигхэн номоор шүүн нягтлаад үзье. Хэчнээн урт хугацааг хамтдаа туулсан байлаа гээд амьдралын чинь хань болсон эр хүнийхээ талаар олон зүйлийг мэдэхгүй байж болно оо. Хамтрагчийнхаа өнгөрсөн амьдралын тухай болон юунд дуртай бас дургүй талаар нь нарийн зүйлсийг мэдэж байх нь маш чухал зүйл гэж зөвлөхүүд хэлдэг. Иймэрхүү зүйлийг, ялангуяа өчүүхэн бага гэмээр юмыг мэдэж байх нь халамжтай хүний шинж гэж үздэг. Тэгэхээр одоо гартаа харандаа аваад юу мэддэгээ тоочин бичиж үзэцгээе. Хариултууд нь харин энэ номд байхгүй шүү. Хариултыг зөвхөн тэр өөрөө л өгч чадна. Тиймээс текстээ бөглөж дуусаад хариултыг шалган оноог чинь тооцож өгөхийг түүнээсээ гуйгаарай. Энэхүү тест маань 100 асуулттай. Зөв хариулт бүрд 10 оноо өгөөрэй. Хэрэв та олон хэсгээс бүрдсэн асуултын заримыг бөглөж чадаагүй бол оноог хувааж, тохирохыг нэмээрэй. Энэ маягаар танд бүх талын тусламж хэрэг болно.