Монгол

Загвар бүтээгчид ертөнцийг бүтээж, загварчлах сэтгэлгээ асуудлыг шийддэг гэвэл та санал нийлэх үү?Ажлын байр, гудамж талбай, гэр орон эсвэл алганд багтах ухаалаг утас, сууж буй сандлаа нэг хараарай. Энэ бүгдийг хэн нэгэн бүтээж, загварыг нь гаргасан.Загвар бүр бүтээгчийнхээ эсвэл бүтээж буй багийн шийдвэрлэхийг хүссэн ямар нэг асуудлаас эхлэлтэй байдаг. Таны асуудалд ч мөн шийдэл бий.Стэнфордын их сургуулийн профессор Билл Бернэтт, Дэйв Эванс нар энэхүү номдоо хэн, хаана, юу хийж байгаа, эсвэл амьдралынхаа төлөө юу хийсэн, хөгшин, залуу гэдгээс үл хамааран амьдралыг утга учиртай, сэтгэл хангалуун байлгахад загварчлах сэтгэлгээ хэрхэн тусалж болохыг харуулжээ. Тэд гайхамшигтай технологи, бүтээгдэхүүн, хүрээлэн буй орчныг бүтээдэг загварчлах сэтгэлгээг ашиглаж сэтгэл хангалуун, баяр баясгалантай, бүтээлч амьдралыг цогцлоох боломжтойг олон зуун оюутны баялаг туршлагаас үндэслэн боловсруулсан арга барилаараа нотолж чадсан юм.

Амьдралд олон асуудал тулгардгийн хариулт нь тэдэнд байжээ… Энэхүү номд сэтгэл дүүрэн амьдарч чадах ажил мэргэжлээ олох арга замыг заах бөгөөд амьдралын чухал үеүдэд шийдвэрээ илүү сайн удирдахад суралцаж, бүхий л адармаатай асуудлаас ангижрах мэт санагдана.

Аз жаргалтай амьдралын үлгэр жишээ… Бернэтт, Эванс нарын энэхүү бүтээл шинэхэн төгсөгч эсвэл карьерынхаа эд үед яваа залуус, ер нь хэнд ч өөрийн байр сууриа олохдоо Стэнфордын алдарт дизайны зарчмуудыг хэрхэн ашиглахыг харуулжээ.

“Амьдралаа загварчлахуй” ном нь уншигчдад загвар зохион бүтээгчийн аргачлалаар сорилтыг давж, сэтгэл хангалуун, утга учиртай амьдралыг бий болгох үйл явцыг заан сургана. Туршиж үзэх. Замаа олох. Эх загвар гаргах. Тогтмол давтах. Энэ номыг өөрөө заавал уншиж бусдадаа ч уншуулаарай гэж зөвлөе.