Гистологийн шинжлэх ухаан нь онол, практикт өргөн, гүнзгий мэдлэг олгодог учраас тийнхүү онолын үндсийг эзэмшсэнээр, өөрөөр хэлбэл шинэ мэдээ, мэдээллээр цэнэглэгдсэний ачаар төрөл бүрийн хавдар, цусны өвчин, удамшлын өвчин зэргийг эсийн түвшинд баттай оношлох боллоо. Уг сурах бичигт онолын шинжлэх ухааныг практик амьдралтай холбох үүднээс манай оронд олонтой тохиолдож байгаа удамшлын янз бүрийн өвчин, мөн сэтгэл-мэдрэлийн зарим эмгэгийн учир шалтгааныг тухайн эд, эрхтний морфологитой холбон үзэж, генийн аргаар тайбарлан олон жишээ татаж бичсэн нь тун чухал, практик ач холбогдолтой болсон байна. Мөн тодорхой эрхтэн, эд, эсийн бүтцийг тодорхойлохдоо тухайн эд, эсийн үүсэл хөгжил ба зохион байгуулалтыг харуулсан олон тооны бичил зураг, бүдүүвч, хүснэгтийг зохиож хавсаргасан нь оюутнуудад гүн бат мэдлэг олгох үнэтэй гарын авлага болжээ.