Aмьдралыг хямрал байнга дагадаг. Шийдэх ямар ч аргагүй мэт санагдах хямралууд. Хувь гүний дотоод хямрал, гэр бүлийн хямрал, ажил албаны хямрал гэх мэт.Элдэв хямралаас болоод хүмүүс байнга санаа зовж, тарчилж, шаналж явахад хүрдэг. Жишээ нь гэр бүлийн хямрал байна. Уг нь та хоёрын амьдрал яг л үлгэр шиг эхэлсэн ч одоо бие биенээ тэвчиж чадахааргүй болсон байж мэднэ. Магадгүй аав ээж, ах дүү, хүүхэдтэйгээ харилцах харилцаа тань хөндийрсөн байх.Эсвэл та багахан юмаар ихийг олох санаандаа хөтлөгдөн ажилд дарагдана. Бас хэлсэн хийсэн бүхнийг чинь шүүмжилж хэлэхэд бэлэн энэ нийгэмд та гомдон бухимдаж байж ч болох юм. Зарим нь улс орны эдийн засгийн байдал, өр авлагад санаа зовж, эсвэл гэмт хэрэг улам өсч, улам харгис хэрцгий шинжтэй болж байгаад ихэд зовно.Бидний итгэж найдан оройдоо залсан улс төрчид юу ч хийхгүй, улс оронд урагшилж, дээшилж байгаа ч үгүй мэт бодогдон бухимдана. Зарим хүн гадаад мэдээ үзэж аа дэлхий дахинд хаа сайгүй дайн дажин дэгдэж, өлсгөлөн, өвчин тархаж, дулаарал, үер ус, газар хөдлөлт гээд гай зовлон улам улам ойрхон давтагдаж, ер нь ертенцийн сүйрэл айсуй мэт санагдан сэтгэл хямрах нь бий.