Монгол орны геотехникийн нөхцөлд барилга байгууламжийн зураг төсөл зохиох, барих, ашиглах явцад ул хөрсний онцлог нөхцөлөөс хамаарч хүндрэлтэй асуудал тулгардаг. Энэхүү нэг сэдэвт бүтээлийг физик-механикийн хавсарсан үйлчлэлд үүссэн хүчдэл-хэв гажилтын тодорхой нөхцөлд шинж чанар нь огцом өөрчлөгдөж улмаар бүтцийн тогтвороо алддаг мөнх цэвдэг суумтгай алтан химэрлэг маягийн элсэрхэг хөрс болон хөөлттэй шаварлаг ул хөрс өргөн тархсан бүс нутгуудад барилга, байгууламжийн тогтворыг хангах талаар явуулсан олон жилийн судалгаанд тулгуурлан бичжээ. Эл номыг дээрх онцлог бүхий хөрсөн дээр барилга, байгууламж барих, төсөл зохиох инженер техникийн ажилтнууд болон их дээд сургуулийн магистрант, докторант, судлаачдад зориулан бичсэн байна.